Ўзбекистон халқ ёзувчиси, истеъдодли адиб Ҳаким Назир ўнлаб ҳикоялар, қиссалар, песалар, очерклар муаллифидир. У бадиий асарларида - улар хоҳ ҳикоялар, хоҳ болалар учун қиссалар бўлсин, ҳамма-ҳаммасида инсонлардаги маънавий - ахлоқий фазилатларни ардоқлашга, улуғлашга интилган. Унинг ўнлаб китоблари рус, қозоқ, қирғиз, туркман, тожик, грузин, арман, украин, белорус, латиш, литва, эстон, немис, франсуз, испан, булғор, чех, мўғул тилларига таржима қилинган.
""Ҳикоялар хазинаси" рукни остида "Номи чиқмаган хотин" китобига адибнинг энг сара ҳикоялари жамланган бўлиб, ушбу ҳикояларида турлит характердаги инсонларнинг тақдири, кечинмалари, ўй-фикрлари, воқеа-ҳодисалар ўзига хос санъаткорона тарзда ҳаётий тасвирланган. Тақдим этилаётган ҳикояларда ўша давр руҳини сақлаб қолиш қолиш мақсадида шаҳарлар ва атамалар номи аслиятга асосан қолдирилди.
Мазкур ҳикоялар тўплами барча ёшдаги китобхонларга мўлжалланган бўлиб, китоб жавонларига энг яхши туҳфа бўлади, деган умиддамиз.
Китоб ҳақида маълумотлар:
Чоп этилган нашриёти: "Ўзбекистон"
Чоп этилган йили: 2018
Муқоваси: Қаттиқ
Бетлари сони: 190