Kompaniyani ro'yxatdan o'tkazish
* Barcha maydonlar to'ldirilishi shart.


1. Umumiy qoidalar.

«www.tovar.uz» onlayn-servisi (keyinchalik — «Sayt») — bu butun mamlakat tadbirkorlariga tovarlar va xizmatlarni (ishlarni) sotishda, xaridorlarga esa ularni sotib olish yoki ulardan foydalanishda yordam beruvchi tovarlar va xizmatlarning ulkan assortimentiga ega bo‘lgan savdo maydonchasidir.

Ushbu Foydalanish shartnomasi (keyinchalik «Shartnoma», shuningdek https://tovar.uz/uz/oferta/1 havolasida ham joylashgan) www.tovar.uz Internet saytidan foydalanish qoidalarini o‘rnatadi.

Sayt foydalanuvchisiga aylangach, Siz mazkur foydalanuvchi shartnomasini ixtiyoriy ravishda qabul qilasiz.

Ushbu Foydalanuvchi shartnomasidagi atamalar quyidagi ma’nolarda ishlatiladi:

1.1. «Tovar.uz» — bu O‘zbekiston Respublikasining tovarlar va xizmatlar (ishlar)ning etkazib beruvchilari va iste’molchilari uchun savdo maydonchasidir.

1.2. O‘zbekiston Respublikasi Fuqarolik Kodeksining 367-375 moddalariga muvofiq ushbu Shartnoma ommaviy oferta hisoblanadi, va quyida keltirilgan shartlar qabul qilinganda (aksept) har qanday layoqatli jismoniy yoki yuridik shaxs (keyinchalik- «Foydalanuvchi») mazkur Shartnomani shartlarini bajarish majburiyatini oladi.

Foydalanuvchilar o‘rtasidagi barcha kelishuvlar to‘g‘ridan-to‘g‘ri tuziladi. Shunday qilib, Kompaniya Foydalanuvchilar kelishuvining ishtirokchisi hisoblanmaydi, u faqatgina tovarlar/xizmatlarni joylashtirish uchun almashinuv savdo platformasini taqdim etadi xolos.

1.3. Mazkur ofertada, agarda konteks boshqasini talab qilmasa, quyida keltiriladigan atamalar shunday mazmunni anglatadi:

Sayt ma’muriyati — «Golden Print Asia» xususiy korxonasi va/yoki u vakolat bergan shaxslar Saytni tegishlicha boshqarishi va Foydalanuvchilarga xizmatlar ko‘rsatishi lozim.

Sayt — Egasi tomonidan tarmoqda www.tovar.uz manzili bo‘yicha joylashtirilgan umumiy foydalanish uchun ochiq bo‘lgan Internet- resurs hisoblanadi.

Tashrif buyuruvchi — istalgan usulda Sayt bilan munosabatda bo‘luvchi barcha shaxs, shu jumladan, Saytning tasodifiy mehmonlari.

Kontent — Foydalanuvchi tomonidan Saytda joylashtiriladigan barcha axborot, shu jumladan: tovar pozitsiyasining nomi va ta’rifi, fotosuratlar, tovarlar/xizmatlar tavsifi, reklama materiallari, Sotuvchi yoki Foydalanuvchi haqidagi ma’lumotlar va shu kabilar. Saytga axborotni joylashtirish qoidalari https://tovar.uz/uz/oferta/3. havolasida ko‘rsatib o‘tilgan.

Foydalanuvchi — Mazkur Shartnoma shartlarini qabul qilgan Sotuvchi, Xaridor, Buyurtmachi, Ijrochi va Tashrif buyuruvchi.

Hisob yozuvi — Saytda ro‘yxatdan o‘tgan, o‘ziga xos Id yordamida Foydalanuvchi o‘z Servislarini boshqara oladigan ega bo‘lgan Foydalanuvchi akkaunt.

Tovar pozitsiyasi — Sotuvchi tomonidan Saytda e’lon qilinadigan tovarlar va xizmatlarngi sotish haqidagi uning tijorat taklifi.

Xaridor — mazkur Shartnoma shartlarini qabul qilgan va Saytning imkoniyatlaridan foydalanib, Sotuvchilar, Ijrochilar tomonidan taklif etilgan, O‘zbekiston Respublikasi qonun hujjatlari tomonidan sotuvi man etilmagan tovarlar va xizmatlar (ishlar)ga buyurtma beradigan barcha ishga layoqatli jismoniy yoki yuridik shaxs. Xaridor o‘zining «Shaxsiy kabineti»ni yaratish orqali Saytda ro‘yxatga o‘tish yo‘li bilan Sayt imkoniyatlaridan foydalanishi mumkin.

Maxfiylik siyosati — mazkur Shartnomaning ajralmas qismi hisoblangan va https://tovar.uz/uz/oferta/4 havolasida joylashtirilgan Saytda sir tutilgan axborot bilan ishlash shartlari.

Saytda axborotni joylashtirish qoidalari — Saytda sotuvni amalga oshirish imkoniga ega bo‘lish uchun, Sotuvchi amal qilishi lozim bo‘lgan talablar va Saytda joylashtiriladigan Kontentga talablar. Ular Shartnomaning ajralmas qismi hisoblanadi va https://tovar.uz/uz/oferta/3 havolasida joylashtirilgan. Ushbu Qoidalar buzilgan taqdirda Sayt ma’muriyati Sotuvchi Saytga kirishi va Saytning boshqa xizmatlaridan foydalanishini man etish huquqiga ega bo‘ladi.

Sotuvchi — Saytda ro‘yxatdan o‘tgan, tovarlar va xizmatlar (ishlar)ni sotish bo‘yicha faoliyatni amalga oshirayotgan va o‘zi (shuningdek-aloqa vositalari) haqidagi, taklif qilayotgan tovarlar/xizmatlar va boshqa axborotni e’lon qila oladigan saytning «Shaxsiy kabinet» bo‘limiga ega bo‘lgan yuridik va jismoniy shaxs (tadbirkor). Tadbirkor sifatida ro‘yxatdan o‘tmagan jismoniy shaxslar daromad olish maqsadida tovarlar/xizmatlarni sotish bo‘yicha Saytdan foydalanish faoliyatini amalga oshira olmaydilar.

Servislar — xizmatlar ko‘rsatish uchun ushbu Shartnoma va Kelishuvga muvofiq Foydalanuvchi tomonidan Saytda taqdim etilayotgan xizmatlar majmui. Ular, Foydalanuvchilarni Saytda ro‘yxatdan o‘tkazish bo‘yicha xizmatlar, hisob yozuvlarini yaratish, saytning «Shaxsiy kabinet» bo‘limidan foydalanish, kirib ishlash, qo‘shimchalar va reklama xizmatlarini taqdim etish, Sotuvchi tovarlarini katalogda aks ettirish, hamda Sotuvchilar va Tashrif buyuruvchilarga Sotuvchilarning tegishli toifalarda taqdim etadigan tovarlar/xizmatlari bilan bog‘liq bo‘lgan harakatlar majmuasi va boshqalarni o‘ziga jamlaydi.

2. Sayt imkoniyatlari.

2.1. Sayt Foydalanuvchilarga ro‘yxatdan o‘tish va Saytda hisob yozuvlarini yaratish, Sotuvchilarning tovarlar va/yoki xizmatlarini sotuvga qo‘yishni, Sotuvchilar takliflarini ko‘rib chiqish va buyurtma berish imkonini beruvchi xizmatlarni taqdim etadi.

2.2. Ro‘yxatdan o‘tgandan so‘ng, Sotuvchi kelgusida sotish uchun o‘z tovarlari va xizmatlarini e’lon qilish imkoniyatiga ega bo‘ladi. Sotuvchi o‘zining hisob yozuvida kompaniya haqidagi qo‘shimcha ma’lumotlarni e’lon qilish imkoniga ega. Foydalanuvchining hisob yozuvida e’lon qilingan barcha ma’lumotlar Saytning tegishli bo‘limlarida e’lon qilinishi mumkin va Saytning mulki hisoblanadi.

2.3. Saytning ma’lum xizmatlaridan foydalanish Foydalanuvchidan o‘zi haqida, shu jumladan, Saytda ro‘yxatga olish jarayoni doirasida shaxsiy va aloqa ma’lumotlarini taqdim etishni talab qilishi mumkin. Foydalanuvchi Saytda ro‘yxatdan o‘tish vaqtida va keyinchalik o‘zi taqdim etadigan, barcha ma’lumotlar haqiqiy va dolzarb ekanligiga rozi bo‘ladi.

3. Xizmatlar narxi.

3.1. Xizmatlar narxi http://... ** havolasi bo‘yicha «Pullik xizmatlar» bo‘limida e’lon qilingan shartlar bo‘yicha sayt ma’muriyati tomonidan o‘rnatiladi.

3.2. Xizmatlar narxi istalgan vaqtda, oldindan ogohlantirilmasdan va xabar qilinmasdan, faqat «Pullik xizmatlar» bo‘limida narxlar e’lon qilingandan so‘ng, o‘zgartirilishi mumkin. Shuningdek, sayt ma’muriyati istalgan vaqtda, oldindan ogohlantirmasdan, hisob yozuvini boshqarish bo‘yicha (oldin bepul asosda bo‘lgan) ma’lum ishlardan foydalanishni berkitishi va faqat to‘lov asosidagina uni ochish huquqiga ega.

3.3. Mazkur Shartnoma shartlari buzilganligi tufayli Foydalanuvchining hisob yozuvi bloklangan, yoki olib tashlangan holatda Foydalanuvchi tomonidan xizmatlar uchun to‘langan mablag‘ qaytarilmaydi.

4. Saytdan foydalanishdagi huquq va majburiyatlar.

4.1. Saytning majburiyatlari mazkur Shartnomada belgilangan tartibda Foydalanuvchining Servislarni olish imkoniyatini ta’minlashdangina iborat.

4.2. Sayt ma’muriyati Foydalanuvchi tomonidan Saytda nashr etilayotgan istalgan ma’lumotni, o‘z hohishiga ko‘ra, o‘zgartirish yoki olib tashlash, istalgan vaqtda Foydalanuvchini Sayt Servislaridan foydalanishini to‘xtatib turish, cheklash, yoki butunlay to‘xtatish huquqini o‘zida saqlab qoladi.

4.3. Agarda, Foydalanuvchi mazkur Shartnoma shartlari yoki O‘zbekiston Respublikasining amaldagi qonunchiligini buzgan holda tovarlar/xizmatlarni ro‘yxatga olgan taqdirda Sayt ma’muriyati tovarlar/xizmatlar nashrini ogohlantirmasdan to‘xtatish (bloklash) huquqiga ega.
4.4. Sayt Foydalanuvchi tomonidan servislardan foydalanishida qandaydir cheklovlarni o‘rnatish huquqiga ega.

4.5. Sayt ma’muriyati ushbu Shartnoma shartlarini o‘zgartirish huquqiga ega. Bunday o‘zgartirishlar haqidagi axborot Ma’muriyat tarafidan Saytda va/yoki axborot tarqatmasida e’lon qilinadi.

4.6. Sayt ma’muriyati Foydalanuvchi bilan kelishmagan holda, Saytning istalgan bo‘limida reklama va/yoki boshqa axborotni joylashtirish huquqiga ega.

4.7. Foydalanuvchi tomonidan ushbu Shartnoma shartlari (uning ajralmas qismlari bilan birga) buzilgan taqdirda, Sayt ma’muriyati hohlagan vaqtda, bir tomonlama tartibda, shunday Foydalanuvchini istalgan servisdan foydalanishini cheklashi, to‘xtatib turishi yoki umuman to‘xtatish huquqiga ega. Bu holatda Sayt bunday harakatlar Foydalanuvchiga etkazilishi mumkin bo‘lgan, barcha zarar uchun javobgarlikni o‘ziga olmaydi.

4.8. Sayt ma’muriyati Foydalanuvchilarga tashkiliy-texnik, axborot, marketing yoki Sayt Servislari imkoniyatlari, Sayt egasi yoki uning hamkorlari faoliyati haqidagi xabarlardan iborat bo‘lgan boshqa ma’lumotlarni (tijorat takliflarini), shu jumladan, Foydalanuvchi taqdim etgan elektron pochtaga yoki SMS/Telegram- tarqatmalarga Foydalanuvchi taqdim etgan mobil telefon raqamiga yuborish huquqiga ega. Foydalanuvchi istalgan vaqtda bu xabarlarni kelgusida olishdan voz kechishi mumkin.

4.9. Sayt ma’muriyati ro‘yxatga olish vaqtida olingan Foydalanuvchining ma’lumotlaridan bu Shartnoma va uning ilovalarida nazarda tutilmagan maqsadlarda foydalanmaslik majburiyatini o‘ziga oladi va O‘zbekiston Respublikasi qonunchiligida ko‘zda tutilgan holatlarda bunday axborotni oshkor qilishini, Saytning majburiyati bo‘lgan holatlardan tashqari, ushbu ma’lumotlarni oshkor qilinmasligini kafolatlaydi.

4.10. Sayt ma’muriyati Foydalanuvchining identifikatsiya ma’lumotlarini ko‘rsatgan holda Foydalanuvchiga maslahat xizmatlarini ko‘rsatish majburiyatini o‘ziga oladi. Konsultatsiyalar miqdori taqdim etilgan Servislar bilan bog‘liq bo‘lgan aniq masalalar bilan cheklanadi. Sayt ma’muriyati, o‘z hohishiga binoan, Foydalanuvchi tomonidan ro‘yxatdan o‘tish vaqtida va/yoki uning Hisob yozuvida ko‘rsatilgan elektron pochtada ko‘rsatilgan manzil orqali Foydalanuvchi o‘z so‘rovini ko‘mak berish xizmatida rasmiylashtirishini talab qilishi mumkin.

4.11. Sayt ma’muriyati barcha Kontentni ushbu Shartnoma talablariga, Saytda axborot joylashtirish qoidalariga, O‘zbekiston Respublikasining amaldagi qonunchiligiga muvofiq axborotni joylashtirish qoidalariga mos kelishini tekshirish huquqiga ega. Qoidalar buzilishi aniqlangan holatlarda Sayt ma’muriyati istalgan vaqtda, o‘z ihtiyoriga ko‘ra, sabablarni izohlamasdan bunday ma’lumotni Saytdan olib tashlash huquqiga ega.

4.12. Sayt ma’muriyati huquq sohibi yoki xabardor bo‘lgan davlat organlarining talabi bilan axborotni olib tashlash huquqiga ega.

4.13. Sayt ma’muriyati, uning fikricha, nomaqbul, noqonuniy, ishonchsiz, kamsituvchi bo‘lgan, odob-ahloq, insoniylik me’yorlarini izdan chiqaruvchi, tartib-qoidalarni mensimaslik va boshqalardan iborat bo‘lgan yoki mazkur Shartnomani buzuvchi barcha ma’lumot yoki materiallarni olib tashlash huquqini o‘zida saqlab qoladi.

4.14. Sayt ma’muriyati Sotuvchi tomonidan Saytda ma’lumotni joylashtirish Qoidalari buzilgan holatda, agarda unga Sayt ma’muriyati tomonidan ikkita ogohlantirish yuborilgandan so‘ng ham u yana bir bor Saytga joylashtirish man etilgan ma’lumotni e’lon qilsa, Sotuvchiga xizmatlarni taqdim etishni rad qilish va kelishuvni bir tomonlama bekor qilish huquqiga ega.

4.15. Foydalanuvchi mazkur Shartnomada nazarda tutilgan majburiyatlarni har qanday buzilishi, hamda buzilishlarning barcha oqibatlari, shu jumladan, «Tovar.uz»ga etkazilgan zararni qoplash uchun javobgarlikni o‘ziga oladi.

4.16. Ishonchsiz va to‘liq bo‘lmagan ma’lumot taqdim etilgan holatda Sayt ma’muriyati Foydalanuvchini ro‘yxatga olishni to‘xtatib turishi yoki uni bekor qilishi, va unga Servislarni taqdim etishni to‘xtatish huquqiga ega.

4.17. Sayt ma’muriyati istalgan vaqtda, bildirishsiz, foydalanilayotgan xizmatlar ro‘yxatiga va hisob yozuvini boshqarish imkoniyatlariga o‘zgartirish kiritish huquqini o‘zida saqlab qoladi.

4.18. Sayt ma’muriyati Sotuvchi va Xaridor o‘rtasidagi elektron kelishuvni taqdim etuvchi tomon emas, balki qonunan man etilmagan Tovarlarni sotish maqsadida joylashtirish, hamda Saytda e’lon qilingan Tovarlarga buyurtma berish imkonini taqdim etadigan kommunikatsion platforma hisoblanadi. Sayt ma’muriyati uzatilayotgan yoki olinayotgan ma’lumot mazmuni va Foydalanuvchilar tomonidan Sayt servislari natijalaridan foydalanish oqibatida ularga etkazilgan zarar uchun javobgarlikni o‘ziga olmaydi.

4.19. Sayt ma’muriyati kelgusida sotish uchun mo‘ljallangan Tovarlar/xizmatlar haqidagi ma’lumotlarni Saytda nashr qilmaydi. Sayt ma’muriyati Saytda yoki hisob yozuvlarida e’lon qilingan Tovarlarni sotib olish yoki ulardan foydalanishga foydalanuvchilarni majburlamaydi.

5. Foydalanuvchining huquq va majburiyatlari.

5.1. Ro‘yxatdan o‘tish vaqtida, buyurtma yoki Kontentni taqdim etish formasi to‘ldirilayotganda Foydalanuvchi ro‘yxatdan o‘tish uchun formada keltirilgan va Saytning «Shaxsiy kabinet» formalaridagi savollarga o‘zi haqida haqiqiy, aniq va to‘liq ma’lumot taqdim etishi lozim, bu ma’lumotlarni mukammal holatda saqlab turishi lozim.

5.3. Foydalanuvchi Saytdan faqat qonuniy maqsadlarda foydalanish, O‘zbekiston Respublikasining amaldagi qonunchiligiga, hamda Sayt Egasining huquq va qonuniy manfaatlariga rioya qilish majburiyatini oladi.

5.4. Foydalanuvchi Saytning me’yorda ishlashiga ta’sir qiluvchi va uning insofsiz foydalanishi hisoblangan harakatlarni amalga oshirish huquqiga ega emas.

5.5. Foydalanuvchi login va parollarni tanlab olish, buzib kirish yoki boshqa harakatlar orqali begona shaxsiy kabinet/hisob yozuviga kirmaslik majburiyatini o‘ziga oladi.

5.6. Foydalanuvchi Sayt ma’muriyatining ruxsatisiz Sayt va servislarga kirish uchun o‘zining login va parolini uchinchi shaxslarga sotish, in’om qilish, foydalanish uchun taqdim etish huquqiga ega emas. Login va parol yoki Sayt huquqini uchinchi shaxsga taqdim etilgan holda ushbu uchinchi shaxsning keyingi harakatlari uchun barcha javobgarlik Foydalanuvchi zimmasida bo‘ladi.

5.7. Xavfsizlik buzilgan holatda yoki Foydalanuvchining Hisob yozuvidan ruxsatsiz foydalanganlikda u darhol Sayt ma’muriyatiga xabar qilishi lozim. Sayt ma’muriyati Hisoblar yozuvi va/yoki Saytdan ruxsatsiz foydalanganlik tufayli etkazilgan barcha zarar uchun mas’uliyatni o‘ziga olmaydi. Foydalanuvchi ushbu hisob yozuvi va/yoki parol egasining maxsus ruxsatsiz va roziligisiz boshqa Foydalanuvchining paroli va Hisob yozuvini ishlata olmaydi. Sayt va Sayt ma’muriyati Foydalanuvchi tomonidan ushbu majburiyatlar bajarilmasligi oqibatida yuzaga kelgan barcha zarar yoki ziyonlar uchun javobgarlikni o‘ziga olmaydi.

5.8. Foydalanuvchi quyidagi maqsadlarda Saytning imkoniyatlaridan mustaqil ravishda yoki uchinchi shaxslarni jalb qilgan holda foydalanmaslik majburiyatini oladi:

  • uchinchi shaxslarning intellektual mulk ob’ektlariga huquqlarini buzish;
  • noxolis raqobatchilik;
  • O‘zbekiston Respublikasining amaldagi qonunchiligini boshqacha buzish.

5.9. Sotuvchilar o‘zlari Saytga joylashtirgan materiallar va Kontentlardan foydalanishning barcha huquqlariga, shu jumladan, intellektual mulk huquqiga ega ekanligini kafolatlaydi.

5.10. Foydalanuvchilar O‘zbekiston Respublikasi qonunchiligiga muvofiq sotish, reklama qilish yoki taqdim etish huquqiga ega bo‘lmagan tovarlar, xizmatlar haqidagi barcha ma’lumotlarni Saytda yaratolmaydi, yuborolmaydi, berolmaydi, joylashtirolmaydi yoki nashr qilolmaydi. Agarda muayyan tovarlar/xizmatlarni sotish va/yoki reklama qilish O‘zbekiston Respublikasining amaldagi qonunchiligi bilan man etilgan bo‘lsa, Foydalanuvchi mana shunday ma’lumotni Saytda joylashtirishi holatida qonunchilikka rioya qilmagani uchun butun javobgarlikni o‘z zimmasiga oladi.

5.11. Agarda Sayt ma’muriyati Foydalanuvi tomonidan Sayt huquqlari yoki boshqa Foydalanuvchilar yoki uchinchi shaxslar huquqlari, yuqorida keltirilgan barcha usullar bilan buzilayotgan, hamda Foydalanuvchilar harakatlarida tovalmachilik alomatlari mavjud deb hisoblasa yoki ularni payqab qolsa, Sayt ma’muriyati, o‘z ixtiyoricha, bunday buzilishlarni oldini olish uchun chora-tadbirlar ko‘rishi mumkin, chunki Foydalanuvchi o‘z harakatlari orqali Saytning ishbilarmonlik obro‘-e’tiboriga ziyon etkazadi. Bunday choralar quyidagicha bo‘lishi mumkin: Foydalanuvchining Hisob yozuvidan va Sayt servislaridan foydalanishni cheklash, to‘xtatib turish yoki umuman to‘xtatish, Foydalanuvchi (Sotuvchi) joylashtirgan Kontentni olib tashlash, buzilishga yo‘l qo‘ygan Foydalanuvchiga taqdim etiladigan Sayt xizmatlariga cheklovlar bilan bog‘liq bo‘lgan texnik, yuridik va qonunchilikda man etilmagan boshqa choralarni qo‘llash.

5.12. Foydalanuvchi o‘zi taqdim etayotgan xizmatlar, agarda ularni ko‘rsatish maxsus ruxsatnoma yoki litsenziyalashni talab qilmasa, O‘zbekiston Respublikasi qonunchiligi va foydalanuvchining mana shunday faoliyati ustidan nazorat qiluvchi davlat organlarining talablariga mos ravishda amalga oshirilishini kafolatlaydi.

5.13. Foydalanuvchi o‘zi Saytga joylashtirayotgan tovarlar va xizmatlar haqidagi barcha ma’lumotlarni diqqat bilan tekshirishi va noto‘g‘ri ma’lumotni topgan taqdirda tovar yoki xizmatlar ta’rifidagi zarur ma’lumotlarni tuzatishi lozim. Agar buni iloji bo‘lmasa, ularni olib tashlashi va tovarlar va xizmatlar haqidagi ma’lumotni qaytadan joylashtirishi kerak. Foydalanuvchi tuzgan tovarlarni sotish va xizmatlarni ko‘rsatish shartlari ushbu Shartnoma va O‘zbekiston Respublikasining amaldagi qonunchiligiga zid kelmasligi lozim. Foydalanuvchi O‘zbekiston Respublikasining “Reklama to‘g‘risida”gi Qonuniga rioya qilishi shart.

5.14. Foydalanuvchi huquqlari:

  • Qayta aloqa formasi orqali Sayt ishi masalalari bo‘yicha shikoyat va takliflarni yo‘llash, ular olingan sanadan boshlab yoki shikoyat va taklif mazmuni bo‘yicha to‘liq ma’lumot olingan vaqtdan boshlab uch ish kuni mobaynida ko‘rib chiqiladi;
  • Kelishuvni muddatidan oldin to‘xtatish.

6. Mas’uliyatni ajratish.

6.1. Foydalanuvchi tomonidan Kontent va/yoki istalgan ma’lumot, reklama materialini joylashtirish, reklama mazmunini amaldagi qonunchilik va/yoki reklama qilinayotgan tovarlar/xizmatlarning sifat talablariga mos kelishi borasida paydo bo‘ladigan e’tirozlar yoki bahslar, uchinchi shaxslar, nazorat qiluvchi organlar yoki sud qarori bilan jarima choralari qo‘llanilishi yuzaga kelgan holatda, Foydalanuvchi ushbu masalalarni mustaqil ravishda, Sayt ma’muriyatini jalb qilmagan holda, ko‘rib chiqish va hal qilish majburiyatini oladi, hamda, Sayt ma’muriyatining zarar va harajatlarini, shu jumladan, mazkur Shartnoma shartlari buzilishi oqibatida kelib chiqqan jarima choralarini to‘liq ravishda qoplaydi.

6.2. Sayt ma’muriyati Foydalanuvchi tomonidan Saytga joylashtiriladigan ma’lumotni (Kontentni) doimiy tekshiruvini amalga oshirmaydi va bunday ma’lumotlarni O‘zbekiston Respublikasining amaldagi qonunchiligiga mos kelmasligi uchun javobgar bo‘lmaydi.

6.3. Sayt ma’muriyati Foydalanuvchi ro‘yxatdan o‘tishda yoki ma’lumotlarni joylashtirishda yo‘l qo‘ygan xatoliklar, noaniqliklar, hamda bular orqali etkazilgan (shu jumladan, boy berilgan foyda) barcha moddiy va nomoddiy zarar uchun javobgarlikni o‘ziga olmaydi.

6.4. Ma’muriyat/ Sayt Egasi Saytda joylashtirilgan ma’lumotlar uchinchi shaxslar tomonidan (ham qonuniy, ham g‘ayriqonuniy) foydalanilgani, shu jumladan, ularni Sayt doirasida, hamda boshqa mumkin bo‘lgan usullar bilan amalga oshirilgan eshittirilishi va tarqatilishi uchun javobgar emas.

6.5. Saytga Kontentni taqdim etib yoki Kontentni Saytga joylashtirib, Foydalanuvchining mana shunday Kontentini Sayt o‘z hohishiga ko‘ra ishlatish huquqiga ega. Kontentni Saytga joylashtirish har qanday uchinchi shaxslarning huquqlarini (shu jumladan, intellektual mulk haquqlarini) buzayotgan holatda, shunday Kontentni joylashtirgan Foydalanuvchini o‘zi ushbu buzilishlarni mustaqil ravishda bartaraf etadi va huquq egalari bilan barcha bahslar va e’tirozlarni hal qilish majburiyatini oladi. Agarda huquq egasining asoslangan shikoyati olingan bo‘lsa va Foydalanuvchining buzilishlarni bartaraf qilishdagi harakatsizlikligi holatida Sayt Ma’muriyati intellektual mulk sohibining huquqlarini poymol qilayotgan ma’lumotni mustaqil ravishda olib tashlash huquqiga ega.

6.6. Foydalanuvchilar tomonidan Saytda joylashtirilgan barcha ma’lumotlar, boshqacha deb hisoblanmagunga qadar, ularni joylashtirgan Foydalanuvchilarning mulki hisoblanadi. Mana shunday ma’lumotni (Kontentni) O‘zbekiston Respublikasi qonunchiligiga mos kelmasligi uchun barcha javobgarlik mana shunday Foydalanuvchilar zimmasiga yuklanadi. Sayt Foydalanuvchilari boshqa foydalanuvchilar joylashtirgan ma’lumotlarlan foydalanishga hech qanday huquq olmaydilar va ularni g‘ayriqonuniy ishlatgani uchun ma’lumot egalari oldida to‘liq javobgarlikni o‘zlariga oladilar.

6.7. Foydalanuvchining servislarni ishlatishini cheklashga olib kelishiga sabab bo‘lgan ma’lumotlarga ishlov berish yoki uzatishdagi barcha xatoliklar, kamchiliklar, uzilishlar, nuqsonlar, aloqa tizmalaridagi to‘xtab qolishlar, har qanday uskunalarni yo‘q qilinishi, uchinchi shaxslarni Saytga noqonuniy kirishi uchun Sayt Ma’muriyati/ Egasi javobgar bo‘lmaydi. Har qanday telefon tarmoqlari yoki xizmatlari, kompyuter tizimlari yoki provayderlar, kompyuter yoki telefon uskunalari, dasturiy ta’minot, elektron pochta servislari yoki skriptlarining texnik sabablarga ko‘ra barcha texnik uzilishlari yoki boshqa muammolari, Foydalanuvchini Saytga kirib ishlashni amalga oshirish vaqtida Internet tarmoqlari va elektraloqa operatorlari tarmoqlarining alohida segmentlarini to‘liq ishlamasligi va ularga kirib bo‘lmasligi holatlari uchun Sayt Ma’muriyati mas’ul emas. Sayt Ma’muriyati ishi Foydalanuvchining istaklariga umuman yoki qisman mos kelmasligi, servislarni xatosiz va to‘xtovsiz taqdim etishni mavjud emasligi, Foydalanuvchini Servislarga kirishini, hamda Saytning jihozlar yoki dasturiy ta’minotidagi texnik nosozliklar bilan bog‘liq bo‘lgan sabablar natijasida servislardan foydalanishni ta’minlovchi Foydalanuvchining login va parolini saqlanishini to‘xtatilishi uchun javobgar emas va Foydalanuvchiga bular bilan bog‘liq bo‘lgan har qanday zararni qoplamaydi.

6.8. Agarda, ushbu Shartnoma imzolangandan so‘ng vujudga keladigan cheklovlar va to‘xtatishlar bartaraf qilib bo‘lmaydigan holatlar, ya’ni urushlar, g‘alayonlar, ish tashlashlar, ishdan bo‘yin tovlashlar, embargo, yong‘inlar, suv toshqinlari, tabiiy ofatlar, radioelektron yoki radiologik holatni yomonlashishi, portlashlar, davlat va/yoki mahalliy o‘zini-o‘zi boshqarish organlari hujjatlari, O‘zbekiston Respublikasi qonunchiligiga o‘zgartirishlar kiritilishi, umumiy foydalanish tarmoqlaridagi avariyalar, aloqaning tizma-kabel vositalaridan foydalanish shartlarini o‘zgarishi kabilar natijasida paydo bo‘lgan bo‘lsa va ularni yuzaga kelishiga Tomonlar ta’sir qila olmasligi, cheklay olmasligi tufayli, servislardan foydalanishni cheklanishi yoki to‘xtatilishi uchun Sayt Ma’muriyati mas’uliyatni o‘ziga olmaydi.

6.9. Sayt ma’muriyati Foydalanuvchi yoki boshqa shaxsning elektron qurilmasi tomonidan Foydalanuvchini servislardan foydalangani yoki ishlatgani tufayli, istalgan boshqa uskunalarga yoki dasturiy ta’minotga etkazilgan har qanday zarar uchun javobgar emas.

6.10. Sayt Ma’muriyati quyidagi bandlarda Foydalanuvchi yoki boshqa uchinchi shaxslar oldida mas’uliyatni o‘ziga olmaydi:

  • Servislardan foydalangan vaqtda Foydalanuvchi tomonidan taqdim etilayotgan/olinayotgan ma’lumotni (Kontentni) mazmuni va qonuniyligi, haqqoniyligi va to‘liqligiga;
  • Sotuvchilar tomonidan Saytda sotilayotgan tovarlar/xizmatlar sifati, ularni vaqtida etkazib berishga;
  • Sayt yordamida xarid qilingan tovarlar/xizmatlarni Xaridorning istaklari va/yoki talablariga mos kelishiga;
  • Xaridor Sayt yordamida sotib olgan tovarlar/xizmatlar bo‘yicha Sotuvchilarning kafolat majburiyatlari bajarilishiga;
  • Sotuvchi tomonidan tovarlar/xizmatlar sotuvi faoliyatining amalga oshirilishi O‘zbekiston Respublikasi qonunchiligi talablariga mos kelishiga;
  • Sotuvchiga buyurtma qilingan tovarlar/xizmatlar uchun to‘lov bo‘yicha Xaridorlarning o‘z majburiyatlarini bajarilishiga.

7. Xaridorlarga xizmat ko‘rsatish sifatiga talablar.

7.1. Barcha Sotuvchilar Xaridorlar oldida o‘z majburiyatlarini halol bajarishlari lozim. Jumladan, barcha Sotuvchilar quyidagi majburiyatlarni oladilar:

  • Sotuvchining Saytga joylashtirgan tovarlar/xizmatlar borasida Xaridorlarning buyurtmalari va murojaatlarini o‘z vaqtida hal qilish;
  • Xaridorlarni buyurtma qilingan tovarlarning mavjud emasligi yoki tomonlar kelishgan muddatlarda etkazib berish imkoni yo‘qligi haqida sabablarni albatta keltirgan va Xaridor oldida o‘z majburiyatlarini bajarish muddatlariga aniqlik kiritgan holda kechiktirmay xabardor qilish;
  • Xaridorlardan keladigan va Sotuvchining Saytdagi faoliyati bilan bog‘liq bo‘lgan shikoyatlar, e’tirozlar va takliflarni o‘z vaqtida (7 kundan kechikmay) ko‘rib chiqish va asosli javob berish. Bunday vaziyatda Sayt ma’muriyati bilan tezkor hamkorlik qilish va, ko‘rsatilgan muddatda, Sayt Ma’muriyatiga bunday murojaatlarni ko‘rib chiqilishi natijalari haqida xabar berish, hamda xizmat ko‘rsatish sifatini yaxshilash va shu kabilar bo‘yicha tavsiyalarga rioya qilish;
  • Saytda tovarlar/xizmatlar xarid qilish vaqtida xaridorlar (iste’molchilar) huquqlari borasida “Iste’molchilar huquqlarini himoya qilish to‘g‘risida”gi O‘zbekiston Respublikasining Qonuni talablarini bajarish.

7.2. «Shartnoma»ning ushbu bo‘limida keltirilgan talablarni Sotuvchi tomonidan buzilishi, hamda, ya’ni buyurtmalarni tez-tez bekor qilinishi, Saytda keltirilgan narxlarda Xaridorga tovarni sotishdan bosh tortilishi kabi Sotuvchi hal qilmagan Xaridorlarning ko‘p sondagi shikoyatlari mavjudligi holatida Sayt Ma’muriyati Sotuvchi tomonidan buzilishlar bartaraf qilinmaguncha Sovutchining Saytdagi tovarlari haqidagi ma’lumotlarni olishni to‘liq yoki qisman cheklash, Sotuvchi tomonidan joylashtirilgan Kontentni olib tashlash yoki Sotuvchining Hisob yozuvini, Sayt servislaridan foydalanishini to‘xtatish va/yoki Sotuvchiga xizmatlarni taqdim etishdan bosh tortish va bir taraflama shartnomani bekor qilish huquqini o‘ziga oladi, chunki Sotuvchi o‘z harakatlari bilan Sotuvchining ishbilarmonlik nufuziga ziyon etkazadi.

8. Intellektual mulk.

Saytda servislar taqdim etilayotganda ishlatilinadigan jami dasturlar, ma’lumotlar, savdo belgilari, mualliflik huquqi ob’ektlari va boshqa ob’ektlar ularning qonuniy egalarini intellektual mulki hisoblanadi va O‘zbekiston Respublikasining intellektual mulk haqidagi qonunchiligi, hamda tegishli xalqaro shartnomalar va konvensiyalar tomonidan himoyalanadi. Servis tarkibiga kiruvchi va Saytga taalluqli bo‘lgan, unsurlar, ramzlar, grafik tasvirlar, dasturlar va boshqa ob’ektlarni, mazkur Shartnomada ruxsat berilganidan tashqari, Sayt ma’muriyatining yoki boshqa qonuniy huquq egasining ruxsatisiz har qanday ishlatilishi noqonuniy hisoblanadi va sudda ko‘rib chiqilishiga va qoida buzuvchilarni O‘zbekiston Respublikasi qonunchiligiga muvofiq fuqarolik-huquqiy, ma’muriy va jinoiy javobgarlikka tortilishlariga sabab bo‘ladi.

9. Shartnomani amal qilish muddati.

9.1. Mazkur Shartnoma Foydalanuvchi tomonidan Saytning qaysidir saytidan foydalana boshlagan, yoki Foydalanuvchi Saytda ro‘yxatdan o‘tgan vaqtdan boshlab kuchga kiradi va muddatsiz amal qiladi.

9.2. Foydalanuvchi Saytdagi o‘zining ro‘yxatdan o‘tganligini bir taraflama bekor qilish huquqiga ega.

9.3. Sayt Ma’muriyati tomonidan Shartnomaga har qanday o‘zgartirish kiritilganga va bunga Foydalanuvchi rozi bo‘lmasa, u Sayt servislaridan foydalanishni to‘xtatishi lozim bo‘ladi. Saytdan foydalanish davom ettirilgan taqdirda, bu holat Foydalanuvchining Shartnomani tegishli tahririga roziligini tasdiqlaydi.

10.Bahslarni ko‘rib chiqish.

10.1. Mazkur Shartnoma bo‘yicha yoki u tufayli Tomonlar o‘rtasida yuzaga keladigan bahslar va kelishmovchiliklarni Tomonlar muzokaralar orqali hal qilish majburiyatini oladilar. Agarda mazkur Shartnoma sababli yoki u tufayli yuzaga keladigan har qanday bahslar, kelishmovchiliklar yoki talablar, shu jumladan, uni ijrosiga, to‘xtatilishiga, bekor qilinishiga yoki haqiqiy deb topilmasligiga taalluqli bo‘lgan holatlar muzokaralar orqali hal etila olmasa, ular O‘zbekiston Respublikasining amaldagi qonunchiligiga muvofiq sud tartibida ko‘rib chiqiladi.

10.2. Mazkur Shartnoma O‘zbekiston Respublikasining “Reklama to‘g‘risida”gi, “Iste’molchilar huquqlarini himoya qilish to‘g‘risida”gi Qonunlari va O‘zbekiston Respublikasining Fuqarolik Kodeksi bilan tartibga solinadi va izohlanadi.

Mazkur Shartnoma bilan echimi topilmagan masalalar O‘zbekiston Respublikasining amaldagi qonunchiligiga muvofiq hal etilishi lozim. Mazkur SHartnoma tomonidan tartibga solinadigan munosabatlardan kelib chiqadigan barcha ehtimolli bahslar O‘zbekiston Respublikasining o‘rnatilgan qonunchiligi, O‘zbekiston Respublikasi huquq me’yorlari bilan hal etiladi.

Shartnomaga ilovalar:

  1. Saytga ma'lumotlarni joylashtirish qoidalari
  2. Maxfiylik siyosati
  3. Pullik xizmatlar

 

scroll top